शिक्षा क्षेत्र सुधारमा सरकार सक्रिय, दलीय प्रभाव हटाउने पहल तीव्र

 शिक्षा क्षेत्र सुधारमा सरकार सक्रिय, दलीय प्रभाव हटाउने पहल तीव्र

काठमाडौं — सस्मित पोखरेल ले शिक्षा क्षेत्रलाई दलीय राजनीतिबाट मुक्त बनाउन महत्वपूर्ण कदम अघि बढाउनुभएको छ। जिम्मेवारी सम्हालेको एक महिनाभित्रै विद्यालय र विश्वविद्यालयभित्र रहेका राजनीतिक विद्यार्थी संगठनका संरचना हटाउने प्रक्रिया सुरु गरिएको छ।

शिक्षा, विज्ञान तथा प्रविधि मन्त्रालय का अनुसार ६० दिनभित्र यस्ता संरचना हटाइनेछ भने ९० दिनभित्र ‘स्टुडेन्ट काउन्सिल’ जस्ता गैरराजनीतिक प्रतिनिधि प्रणाली लागू गरिने तयारी छ।

यससँगै शैक्षिक सुधारका अन्य निर्णयहरू पनि कार्यान्वयनमा छन्—
• विद्यार्थी भर्ना र शुल्क व्यवस्थापन सुधार
• शैक्षिक क्यालेन्डर कडाइका साथ लागू
• परीक्षा सम्पन्न भएको २ महिनाभित्र नतिजा प्रकाशन
• कक्षा ५ सम्म आन्तरिक परीक्षा हटाई वैकल्पिक मूल्याङ्कन प्रणाली लागू

सरकारले स्नातक तहसम्म अध्ययनका लागि नागरिकताको अनिवार्यता हटाउने निर्णयसमेत गरेको छ, जसलाई काठमाडौँ विश्वविद्यालय लगायतका संस्थाले कार्यान्वयनतर्फ अघि बढाएका छन्।

विदेश अध्ययनका लागि आवश्यक ‘एनओसी’ अब अनलाइनमार्फत घरबाटै लिन सकिने व्यवस्था मिलाइएको छ। यसका लागि त्रिभुवन विश्वविद्यालय र काठमाडौँ विश्वविद्यालयसँग प्राविधिक प्रणाली जोडिएको मन्त्रालयले जनाएको छ।

📌 मुख्य फोकस:
शिक्षामा राजनीतिक हस्तक्षेप घटाएर गुणस्तर, पारदर्शिता र प्रविधिमैत्री प्रणाली विकास गर्ने लक्ष्य।

👍 सेयर गर्नुहोस् ताकि अरू पनि अपडेट रहुन् .