किरात राई समुदायको महत्वपूर्ण पर्व उँभौली ...

 किरात राई समुदायको महत्वपूर्ण पर्व उँभौली आज देशभरका भूमेस्थानहरूमा पूजा–आराधना गर्दै मनाइएको छ। वैशाख शुक्ल पूर्णिमाका दिन मनाइने यो पर्वले प्रकृतिप्रति श्रद्धा व्यक्त गर्नुका साथै राम्रो खेतीपाती र समृद्धिको कामना गर्ने सन्देश दिन्छ।

परम्पराअनुसार बाली लगाउने समय सुरु हुनु अघि गाउँगाउँमा भूमेस्थानमा पूजा गरिन्छ। यसै समयदेखि गर्मी बढ्दै जाने भएकाले बेँसीबाट लेकतर्फ उक्लने चलन पनि रहेको छ, जसका कारण ‘उँभौली’ नाम रहन गएको मानिन्छ।

किरात विश्वासअनुसार यो समयमा चराचुरुङ्गी, वन्यजन्तु र माछा समेत चिसो स्थानतर्फ सर्ने गर्छन्। पर्वका अवसरमा चण्डी नाच र साकेला नाचजस्ता सांस्कृतिक प्रस्तुतिहरूले विशेष आकर्षण थप्ने गरेका छन्।

राजधानी ललितपुरको हात्तीवन साकेलास्थानसहित विभिन्न स्थानमा सांस्कृतिक का
र्यक्रम आयोजना गरिएका छन्। केही ठाउँमा भने स्थानीय परम्परा अनुसार यो पर्व जेठपछि पनि मनाइने गरिन्छ।

उँभौलीसँगै किरात समुदायमा उधौली पर्व पनि उत्तिकै महत्वका साथ मनाइन्छ, जसले उनीहरूको सांस्कृतिक पहिचानलाई अझ मजबुत बनाएको छ।

👍 सेयर गर्नुहोस् ताकि अरू पनि अपडेट रहुन् .