फिफा विश्वकप २०२६ : अर्जेन्टिनाको ५५ सदस्यीय प्रारम्भिक टोली घोषणा मेस्सी सामेल.

वैशाख २९, २०८३

साविक च्याम्पियन अर्जेन्टिनाले आगामी FIFA विश्वकप २०२६ का लागि आफ्नो प्रारम्भिक टोली सार्वजनिक गरेको छ। अर्जेन्टिना फुटबल संघले सोमबार प्रशिक्षक लियोनेल स्कालोनीको रोजाइमा ५५ सदस्यीय प्रारम्भिक सूची जारी गर्‍यो, जसमध्येबाट अन्तिम २६ खेलाडी छान्ने काम यही महिनाभित्र सम्पन्न हुनेछ। 

मेस्सी छन् तर निर्णय उनकै हातमा

इन्टर माइयामीका स्टार लियोनेल मेस्सी प्रारम्भिक सूचीमा परेका छन्, तर प्रशिक्षक स्कालोनीले विश्वकपमा खेल्ने कि नखेल्ने भन्ने निर्णय पूर्णतः मेस्सीमाथि नै छाडेका छन्। उमेर ढल्किए पनि मेस्सी MLS मा उच्च स्तरको प्रदर्शन गर्दै आएका छन् र एकल प्रयासले खेलको रूप बदल्न सक्षम मानिन्छन्। 

डिबाला बाहिर ठूलो आश्चर्य

सबैभन्दा ठूलो चर्चाको विषय भनेको AS रोमाका पाउलो डिबालाको बहिष्कार हो। डिबाला प्रारम्भिक सूचीमा समेत ठाउँ पाउन असफल भए उनले सेप्टेम्बर २०२४ पछि अर्जेन्टिनाका लागि एक पनि खेल खेलेका छैनन्। एन्जेल कोरेया र भ्यालेन्टिन कास्टेल्यानोस पनि उल्लेखनीय अनुपस्थितहरूमध्ये छन्। 

प्रेस्टियानीको विवाद

Benfica का खेलाडी जियान्लुका प्रेस्टियानी टोलीमा छन्, तर FIFA ले समलिङ्गी विरुद्धको व्यवहारका कारण उनीमाथि लगाइएको UEFA को छ खेलको प्रतिबन्धलाई विश्वव्यापी प्रभावमा विस्तार गरिदिएको छ जसका कारण उनले टूर्नामेन्टका पहिला दुई खेल खेल्न नपाउने सम्भावना छ। 

अन्य उल्लेखनीय समावेशी

टोटेनह्यामका क्रिस्टियान रोमेरो, चेल्सीका अलेहान्द्रो गार्नाचो र कोमोका निको पाज सूचीमा छन्। गोलकिपरमा रिभर प्लेटका युवा खेलाडी स्यान्टियागो बेल्त्रानको समावेश चर्चाको विषय बनेको छ। 

मध्यमैदानमा अलेक्सिस म्याक अलिस्टर, रोड्रिगो डे पल, एन्जो फर्नान्डेज र लिआन्द्रो पारेडेस जस्ता अनुभवी खेलाडीका साथै फ्रान्को मास्तान्तुओनो र क्लाउडियो एचेभेरी जस्ता युवा प्रतिभाहरू पनि सूचीमा छन्।

ग्रुप र पहिलो खेल

अर्जेन्टिना ग्रुप J मा अल्जेरिया, अस्ट्रिया र जोर्डनसँगै परेको छ। उनीहरूको पहिलो खेल जुन १७ मा क्यान्सास सिटीको Arrowhead स्टेडियममा अल्जेरियाविरुद्ध हुनेछ। अन्तिम २६ सदस्यीय टोली मे ३० सम्म FIFA लाई बुझाउनु पर्नेछ। 

© अनलाइन न्युज पोस्ट . 

👍 सेयर गर्नुहोस् ताकि अरू पनि अपडेट रहुन् .

#argentina #fifaworldcup2026 #messi #worldcup2026 #lionelmessi #scaloni #dybala #albiceleste #football #soccer #worldcup #argentina2026 #groupj #fifaworldcup