लिफ्ट दिने बहानामा महिलामाथि दुर्व्यवहार, युवक पक्राउ

वैशाख २३, २०८३, स्याङ्जा - मोटरसाइकलमा लिफ्ट दिने बहानामा एक महिलामाथि दुर्व्यवहार गरेको आरोपमा एक युवकलाई प्रहरीले पक्राउ गरेको छ।

जिल्ला प्रहरी कार्यालय स्याङ्जाका अनुसार पक्राउ पर्नेमा पुतलीबजार नगरपालिका–९ निवासी २० वर्षीय दिवस सुनार रहेका छन्। घटना पुतलीबजार–१ मालेबगरस्थित सडकखण्डमा मंगलबार बिहान करिब ७ बजे भएको बताइएको छ।

पीडित महिलाको उजुरीअनुसार लिफ्ट दिएका युवकले फोन नम्बर मागेका थिए। अस्वीकार गरेपछि उनले अश्लील व्यवहार गरेको आरोप लागेको छ। घटनापछि प्रहरी टोलीले उनलाई भाग्दै गरेको अवस्थामा नियन्त्रणमा लिएको जनाएको छ।

प्रहरीले आरोपीमाथि आवश्यक कानुनी प्रक्रिया अघि बढाइएको जानकारी दिएको छ। साथै, अपरिचित व्यक्तिबाट लिफ्ट प्रस्ताव आउँदा विशेष सतर्कता अपनाउन आग्रह गरिएको छ।
© अनलाइन न्युज पोस्ट

👍 सेयर गर्नुहोस् ताकि अरू पनि अपडेट रहुन् .