🚨 युद्धको दरबारबाट वार्ताको टेबुलतिर ट्रम्पले इरानमाथिको आक्रमण स्थगन गरे.

 

५ जेठ २०८३, मंगलवार

अमेरिकी राष्ट्रपति डोनाल्ड ट्रम्पले मंगलबारका लागि तय गरिएको इरानमाथिको सैन्य आक्रमण योजना अन्तिम क्षणमा स्थगन गरेका छन्।

कसको अनुरोधमा रोकियो आक्रमण?
ट्रम्पले Truth Social मा गरेको पोस्टमा कतारका अमिर तमिम बिन हमाद अल थानी, साउदी अरेबियाका युवराज मोहम्मद बिन सलमान र संयुक्त अरब इमिरेट्सका राष्ट्रपति मोहम्मद बिन जायेद अल नाहयानको अनुरोधमा मंगलबारको निर्धारित आक्रमण रद्द गरेको बताएका छन्।

उनले आफ्नो पोस्टमा लेखेका छन् कि यी तीन क्षेत्रीय नेताहरूले गम्भीर वार्ता भइरहेको र सम्झौता हुने सम्भावना रहेको भन्दै केही समय पर्खिन आग्रह गरेका थिए। साथै उनले भनेका छन् "यो सम्झौतामा इरानका लागि परमाणु हतियार हुने छैन!"

तर सैन्य तयारी जारी
ट्रम्पले रक्षा सचिव पिट हेग्सेथ र संयुक्त सेनाध्यक्ष जनरल डान केनलाई मंगलबारको आक्रमण स्थगन गरिए पनि ठूलो पैमानामा आक्रमणका लागि तयार रहन निर्देशन दिएका छन्।

पृष्ठभूमि के हो?
इरानले आफ्नो पछिल्लो प्रस्तावमा पहिले युद्ध अन्त्य गर्ने र होर्मुज जलडमरूमध्यको नाकाबन्दी हटाउने, त्यसपछि मात्र परमाणु वार्ता अगाडि बढाउने सुझाव दिएको थियो। तर वाशिंगटनले इरानसँग युद्ध अन्त्यअघि नै परमाणु कार्यक्रममा कडा प्रतिबन्धको माग गर्दै आएको छ।

होर्मुज जलडमरूमध्यको बन्दैले विश्वको २० प्रतिशत तेल र ग्याँस आपूर्ति अवरुद्ध भएको छ र अमेरिकामा पेट्रोलको मूल्य बढेको छ जसले ट्रम्पमाथि आन्तरिक दबाब पनि बढाएको छ।

मध्यपूर्वमा युद्ध र कूटनीतिबीचको यो नाजुक सन्तुलन अझै कतातिर जाने भन्ने विश्वको ध्यान केन्द्रित छ।

© अनलाइन न्युज पोस्ट . 👍 सेयर गर्नुहोस् ताकि अरू पनि अपडेट रहुन् .