सरकारी कर्मचारीको तलब २१ प्रतिशतसम्म वृद्धि, नयाँ स्केल सार्वजनिक.

नमस्कार!

शनिबार, १७ जेठ २०८३ | काठमाडौं

सरकारले सरकारी कर्मचारी तथा शिक्षकहरूको तलब समग्रमा करिब २१ प्रतिशतले वृद्धि गर्ने निर्णय गरेको छ। नयाँ व्यवस्थासँगै मासिक ५ हजार रुपैयाँ महँगी भत्ता यथावत राखिएको छ।

अर्थमन्त्री डा. Swarnim Wagle ले संघीय संसदको संयुक्त बैठकमा आर्थिक वर्ष २०८३–०८४ को बजेट प्रस्तुत गर्दै तलब वृद्धि र नयाँ प्रोत्साहन प्रणालीको घोषणा गरेका हुन्।

सरकारले सबै तहका कर्मचारीको सुरु स्केलमा १० प्रतिशत तलब वृद्धि गरेको छ भने कार्यसम्पादनमा आधारित १० प्रतिशतसम्म अतिरिक्त मासिक प्रोत्साहन भत्ता समेत लागू गर्ने जनाएको छ। यससँगै कुल पारिश्रमिक करिब २१ प्रतिशतसम्म बढ्ने अनुमान गरिएको छ।

नयाँ व्यवस्थाअनुसार खरिदारको तलब करिब ३२ हजार ९ सय रुपैयाँबाट बढेर ३६ हजारभन्दा बढी पुगेको छ। नायब सुब्बाको तलब ३४ हजार ७ सयबाट बढेर करिब ३८ हजारभन्दा बढी कायम भएको छ।

त्यस्तै अधिकृत तहको तलब करिब ४३ हजारबाट बढेर ४८ हजारभन्दा बढी पुगेको छ। उपसचिवको तलब ४८ हजारभन्दा माथि पुग्दै करिब ५३ हजार नाघेको छ भने सहसचिवको तलब ६२ हजारभन्दा बढी पुगेको छ।

उच्च तहमा सचिवको तलब करिब ७९ हजार पुगेको छ भने मुख्य सचिवको पारिश्रमिक ८४ हजार रुपैयाँभन्दा बढी पुगेको छ।

सरकारको यो निर्णयले कर्मचारी तथा शिक्षकहरूको जीवनस्तर सुधार गर्न मद्दत गर्ने अपेक्षा गरिएको छ। यद्यपि, यसले राज्यको खर्च संरचनामा थप दबाब पर्ने विश्लेषण पनि गरिएको छ।

अनलाइन न्युज पोस्ट हेर्नुभएकोमा धन्यवाद! नयाँ अपडेट र विस्तृत समाचारका लागि लाइक, सेयर, फलो र सबस्क्राइब गर्नुहोस्।

© अनलाइन न्युज पोस्ट .👍सेयर गर्नुहोस् ताकि अरू पनि अपडेट रहुन् .

खरिदारदेखि मुख्य सचिवसम्मको तलबमा वृद्धि, न्यूनतम करिब ४० हजारदेखि माथि सुरु हुने व्यवस्था.