🔴 इबोला संकट : WHO ले कंगो र युगान्डामा अन्तर्राष्ट्रिय स्वास्थ्य आपतकाल घोषणा गर्यो.

Concern is growing in neighbouring countries about the latest Ebola outbreak in the DRC and Uganda. Photograph: Anadolu/Getty Images

विश्व स्वास्थ्य संगठन (WHO) ले आइतबार कंगो लोकतान्त्रिक गणराज्य र युगान्डामा फैलिँदै गरेको इबोला प्रकोपलाई आधिकारिक रूपमा "अन्तर्राष्ट्रिय चिन्ताको सार्वजनिक स्वास्थ्य आपतकाल" (PHEIC) घोषणा गरेको छ। तथापि WHO ले यो प्रकोप महामारी (pandemic) को स्तरमा पुगेको भने होइन भनी स्पष्ट पारेको छ।

१६ मे सम्मको तथ्यांक अनुसार, कंगोको इटुरी प्रान्तका बुनिया, र्वाम्पारा र मोङ्बवालुसहित कम्तीमा तीन स्वास्थ्य क्षेत्रमा आठ प्रयोगशाला-पुष्टि भएका र २४६ संदिग्ध केस रिपोर्ट भएका छन्, जसमध्ये ८० जनाको संदिग्ध मृत्यु भइसकेको छ।

अझ चिन्ताको विषय के छ भने, कंगोबाट यात्रा गरेका दुई व्यक्तिमा १५ र १६ मे गरी उगान्डाको राजधानी काम्पालामा एकैपटक दुई प्रयोगशाला-पुष्टि केस भेटिए जसमध्ये एकको मृत्यु भइसकेको छ। यसले रोग अन्तर्राष्ट्रिय स्तरमा फैलिइसकेको पुष्टि गर्छ।

यो प्रकोपमा बुन्डिबुग्यो भाइरस स्ट्रेन जिम्मेवार छ। यो स्ट्रेनले अहिलेसम्म संसारमा केवल दुईपटक मात्र महामारी निम्त्याएको थियो २००७ मा युगान्डामा र २०१२ मा कंगोमा। सबैभन्दा ठूलो खतरा के छ भने यस स्ट्रेन विरुद्ध अहिलेसम्म कुनै पनि स्वीकृत खोप वा औषधि उपलब्ध छैन।

स्वास्थ्यकर्मीहरूमा पनि कम्तीमा चार जनाको मृत्यु भएको छ, जसले अस्पताल भित्रै संक्रमण फैलिने जोखिम बढाएको छ।

संदिग्ध पहिलो केस बुनियाको एक अस्पतालमा कार्यरत नर्स थिइन् जो अप्रिल २४ मा बिरामी परेकी थिइन्। स्थानीय बासिन्दाहरूमा त्रास व्यापक छ। एक स्थानीय बासिन्दाले भने "हरेक दिन मानिसहरू मरिरहेका छन्... एकै दिनमा दुई, तीन वा त्योभन्दा बढी मानिसको अन्त्येष्टि हुन्छ।"

केन्याले यस प्रकोपको आफ्नो देशमा फैलिने जोखिम "मध्यम" रहेको भन्दै सीमा नाकाहरूमा निगरानी कडा पारेको छ। विशेषज्ञहरूले यो संकट थप गम्भीर बन्न सक्ने चेतावनी दिइरहेका छन्।

© अनलाइन न्युज पोस्ट
👍 सेयर गर्नुहोस् ताकि अरू पनि अपडेट रहुन् .